Banner

ارمان مې دا دی رانه لاړې: ټپيزې/ حيران

30.03.2010 18:18

ځوږ د سلګيو پورته کيږي
د زمکې سر واړه خوځيږي
نجونې په زړه کې هوسيږي
چې ډول وهي ځوانان ګډيږي
يا به لښکر وي يا غدۍ د ژنيو وينه

دا تورې زلفې مې زېندۍ شوې
چاپېره تاو مې له مرۍ شوې
له ډېره غمه مې سلګۍ شوې
کلي په کلي مې بدۍ شوې
ما زورور کلي ته تېره کړې چې مرمه

ما ويل رخصت به رانه غواړې
د پالنګ سر ته به ولا ړ يې
جګې به يوسو سره غاړې
ارمان مې دادی رانه لاړې
ولې مې ټينګ په غېږ کې نه نيوې مينه

ستا به شمله ستا به پټکی شم
زه به دې مينه شم زړګی شم
تاته به ګل بل ته ازغی شم
د ربابه به دې ځونډی شم
چې ورمې نه کړې بازينګرو په لاسونه

خاورې ايرې زما خواري شوې
پر سر دې تېر هزار بدي شوې
څومره بې ننګه بې سيالي شوې
د ګلو باغه سرکاري شوې
نه دې سرکار خوري نه دې ماته راکوينه

کلی مالت دې ليدی نه شم
رسم و رواج نه وتی نه شم
غم نه دې نور لېونی نه شم
کور ته له شرمه درتلی نه شم
لرې پوښتنه له وړو وړکيو کومه

که به مې هر څومره زړه ښه که
خو په ژړا به مې اوبه که
ما يې هوس د ژوندانه که
جانان په ګور کې ارمان وکه
په ما را ړنګه شوه د تورو خاورو خونه

تر ګل ښايستوکی سړی نشته
ته وا د هيچا زړګی نشته
ټول ګيدړان دي زمری نشته
کلي کې يو لېونی نشته
شينکی پرتوګ مې په ورنو خوله لګوينه

اوتر اوتره پورې لاړم
تر هره دره پورې لاړم
سپېره خيبره پورې لاړم
تر پېښوره پورې لاړم
چې چېرته چټې دي موذيان يې زړوينه

په نه خبره مرور دی
چرته به وي اوس مسافر دی
ما پرې د ځانه ډېر باور دی
يار مې د بنو سوداګر دی
ماته به راوړي بنوڅي د خيال شالونه

زړه مې ډبره وي اوبه شي
واړه خواږه راته تراخه شي
ګرم خواړه رانه ساړه شي
چې پېغلتوب مې راپه زړه شي
کنډول مې هېر شي په شکاره کې خوشتومه

خپل پېغلتوب به ترېنه ځار کړم
ورته به سترګو کې اظهار کړم
نور به مې هر هوس په دار کړم
د طالبانو مير به يار کړم
تر کندهاره به مې ټول لېورونه وينه

د خدای د نور يوه جلوه يې
په کايناتو راخوره يې
تل مې په زړه کې راسره يې
ته به د کوم وطن ډېوه يې
زه دهجران په تروږمۍ کې ناسته يمه.

 

M arif rahimi 13.04.2010 19:42

salam dr sahib dar sha allah khu dai zundai lara

سمون 31.03.2010 18:29

ډيرې ښکلې ټپيزې دې واه واه

khan 31.03.2010 15:52

salamona hairan saib!<br /><br />yaw zal bya de dire khe tapaeze lekale de &lt;<br /><br />kho za hairan saib nan ba darta daa woyama che yaw sa rahese kege staso pa sherono ke da grammer stonze paida shwe de ow kala che yaw lostonkey ghwarre hagha walwale no daase malomege laka yaw dari zobaan wror pakhto lekale we.<br /><br /><br />khody de wakre che paam ba warta wakrey<br /><br />da kamyabey pa hilla<br />

نجیب الله پیمان 31.03.2010 12:19

<br /> وایم د نر بچیه شیر د شه پدې ټیه اېزو ډیرې ښکلې د لیکلي دی ایله مې د زړه زنګ پرې لرې شو .<br /><br />په لاس او قلم د برکت شه درته د لا زیاتو بریاو په هیله .<br />ستاسې کشر ورور<br />نجیب الله پیمان

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.